17-oktabr, dushanba kuni O‘zbekistonning aksariyat hududida yog‘ingarchilik va shamol kuzatiladi, Qoraqalpog‘iston va Xorazmda yomg‘ir qorga aylanadi. Bu haqda “O‘zgidromet” markazi xabar bermoqda.
Xabar berishlaricha, 17-oktabrga o‘tar kechasi O‘zbekistonning tog‘li hududlarida 0...+5 daraja, Qoraqalpog‘iston Respublikasi va Xorazm viloyatida +3...+8 daraja, Surxondaryo viloyatida +11...+16 daraja, qolgan barcha hududlarda, xususan, Toshkent shahrida +10 darajagacha iliq bo‘lishi kutilmoqda.
Dushanba kuni kunduzi mamlakatning tog‘li joylarida +5...+10 daraja, Qoraqalpog‘iston Respublikasi va Xorazm viloyatida +8...+13 daraja, Toshkent shahrida +15...+17 daraja, Toshkent, Samarqand, Jizzax, Sirdaryo, Qashqadaryo, Andijon, Namangan, Farg‘ona viloyatlarida +13...+18 daraja, Buxoro, Navoiy viloyatlarida +15...+20 daraja, Surxondaryo viloyatida +18...+23 darajagacha iliq bo‘ladi.
17-oktabrga o‘tar kechasi va 17-oktabr kuni kunduzi O‘zbekistonning tog‘li hududlari, Farg‘ona vodiysi viloyatlari va Surxondaryo viloyatida yog‘ingarchilik kutilmaydi, Surxondaryoda shamolning tezligi soniyasiga 15—20 metrgacha kuchayishi mumkin.
Ayni vaqtda, Qoraqalpog‘iston Respublikasi, Xorazm, Buxoro, Navoiy, Toshkent, Samarqand, Jizzax, Sirdaryo, Qashqadaryo viloyatlari va Toshkent shahrida yog‘ingarchilik kutiladi, shamolning tezligi soniyasiga 17—20 metrgacha kuchayishi mumkin. 17-oktabr kuni kechga tomon Qoraqalpog‘iston va Xorazmda yomg‘ir qorga aylanishi ehtimoli bor.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)