Toshkent uchun 2011—2012-yillar davomida Chexiyadan olib kelingan zamonaviy Vario LF tramvaylari Samarqandga yetib keldi. Bu haqda Facebook’dagi “Samarqand va samarqandliklar” guruhida fotoxabar qoldirilgan.
“Samarqandga xush kelibsiz! Yangi tramvay vagonlari shaharga yetib keldi. Lekin bu — bor-yo‘g‘i taxmin. Bu Samarqand orqali olib o‘tilayotgan tranzit yuk bo‘lishi ham mumkin”, — deyiladi 17-oktabr, dushanba kuni e’lon qilingan fotoxabarda.
Xabar muallifi Samarqand vokzalida nechta tramvay vagoni turganiga aniqlik kiritmagan. Suratlarga qarab, ularning aniq sonini bilib bo‘lmaydi.
Eslatib o‘tamiz, O‘zbekiston Prezidenti vazifasini bajaruvchi Shavkat Mirziyoyev 2016-yil oktabri boshida Samarqandga tashrif buyurib, 2017-yil Navro‘z bayramigacha shaharda tramvay harakatini yo‘lga qo‘yish haqida ko‘rsatma bergan edi.
Qayd etish joiz, Samarqandda 1947—1973-yillarda ham elektr tramvaylar qatnagan. Yangi qurilajak tramvay yo‘li Siyob bozorini Sartepa mavzesi bilan bog‘laydi, biroq qaysi ko‘chalardan o‘tishi hozircha rasman ma’lum qilinmagan.
Foto: Samarqandning eski tramvayi
Qayta tug‘ilish: Samarqand tramvayi tarixi
Samarqandning yangi tramvayi qaysi ko‘chalardan o‘tadi?
Toshkentliklar tramvay bilan xayrlashmoqda
Fotogalereya: Toshkent tramvayining intihosi
Toshkent tramvayining 115 yillik tarixiga nuqta qo‘yildi
Izoh (0)