Шу йил декабрь ойида ўзининг 20 йиллигини нишонлаш арафасида турган Korzinka.uz супермаркетлар тармоғи 16 октябрь куни «Нон фестивали»ни ташкил этди. Бу ҳақда «Дарё»га тармоқ мутасаддилари маълум қилди.
Бутунжаҳон нон кунига бағишлаб ўтказилган ярмаркада Франция, Италия, Германия, Россия ва бошқа давлатлар, шунингдек, Ўзбекистоннинг турли ҳудудлари учун хос бўлган 30 хилдан ортиқ миллий нон маҳсулотлари эътибор марказида бўлди.
Ташриф буюрувчилар тармоқ ҳамкорлари кўмагида уюштирилган совринли ўйинларда қатнашиш, турли мамлакатлар ошхонаси урф-одатлари акс этган дастурхонлардаги буғдой, жавдар, гречиха, маккажўхори унидан тайёрланган мазали пишириқ ҳамда нон маҳсулотларини татиб кўриш, уларнинг фойдали жиҳати, тайёрланиш жараёни, таркиби тўғрисида мутахассислардан тавсия олиш имконига эга бўлди.
Тақдим этилган нон маҳсулотлари бошқа айни турдагиларидан фарқли равишда мукаммал мумтоз технология асосида пиширилди.
Мазкур усул натижасида хамирдаги кимёвий-физик жараёнларнинг саломатлик учун фойдали хусусияти ошиб, нон юмшоқлиги узоқ вақт сақланиб туриши таъминланади.
Нонга ҳажмни сунъий иширувчи, таъм берувчи моддаларнинг қўшилмаслиги организм керакли элементлар билан бойишига ёрдам беради.
Ушбу дармондориларга бой турфа нон маҳсулотлари яқин орада тармоқнинг барча супермаркетларида сотувга чиқарилиши режалаштирилган.
Изоҳ (0)