Yaponiya politsiyasi 12-oktabr, chorshanba kuni Mitsui Sumitomo bankining Tokiodagi bo‘linmalaridan biri boshlig‘i o‘rinbosarini 190 million iyena (taxminan 1,9 million dollar) o‘marishda ayblab, qamoqqa oldi. Bu haqda TJournal xabar bermoqda.
Bank xodim aybini tan oldi va pullarni sevikli ayoli hamda bolalar ta’limi uchun sarflaganini ma’lum qildi.
NHK telekanaliga ko‘ra, xodim valyuta omonatlari tizimida qing‘irliklar bilan shug‘ullanib, 2015-yil noyabridan 2016-yil iyunigacha mablag‘ o‘marish bilan shug‘ullangan. Politsiya u 2007-yildagi shunga o‘xshash o‘g‘rilikka aloqador bo‘lganini gumon qilmoqda: o‘shanda boshqa yapon banki xodimining firibgarligi tufayli 11 million dollardan mahrum bo‘lgandi.
Izoh (0)