Neftning yirik eksportchisi bo‘lgan Saudiya Arabistoni 266,5 milliard barrel hajmidagi xomashyo zaxiralari yana 70 yilga yetadi deb hisoblamoqda. Bu haqda mamlakat obligatsiyalari emissiyasi prospekti ma’lumotlariga tayanib, Rambler News Service xabar berdi.
Yaqin orada Saudiya 5, 10 va 30 yil muddatda qoplanadigan jami 10 milliard dollar miqdoridagi obligatsiyalarni sotishni rejalashtirmoqda. Buning uchun mamlakat rasmiylari London, Los-Anjeles, Boston va Nyu-Yorkda investorlar uchun yig‘ilishlar o‘tkazadi. Shuningdek, Saudi Aramco davlat neft kompaniyasi ham 2018-yilda o‘z aksiyalarini investorlarga sotishni mo‘ljallagan.
Qimmatli qog‘ozlar prospektida xomashyo zaxiralari eslatib o‘tilishi esa neft sotuvi Saudiya eksportining 75 foizini tashkil etishi bilan bog‘liq.
Izoh (0)