Нефтьнинг йирик экспортчиси бўлган Саудия Арабистони 266,5 миллиард баррель ҳажмидаги хом ашё захиралари яна 70 йилга етади деб ҳисобламоқда. Бу ҳақда мамлакат облигациялари эмиссияси проспекти маълумотларига таяниб, Rambler News Service хабар берди.
Яқин орада Саудия 5, 10 ва 30 йил муддатда қопланадиган жами 10 миллиард доллар миқдоридаги облигацияларни сотишни режалаштирмоқда. Бунинг учун мамлакат расмийлари Лондон, Лос-Анжелес, Бостон ва Нью-Йоркда инвесторлар учун йиғилишлар ўтказади. Шунингдек, Saudi Aramco давлат нефть компанияси ҳам 2018 йилда ўз акцияларини инвесторларга сотишни мўлжаллаган.
Қимматли қоғозлар проспектида хом ашё захиралари эслатиб ўтилиши эса нефть сотуви Саудия экспортининг 75 фоизини ташкил этиши билан боғлиқ.
Изоҳ (0)