Rossiya va Turkiya “Turkiya oqimi” gaz quvuri loyihasi bo‘yicha hukumatlararo bitim imzoladi. Bu haqda Turkiya prezidenti Rajab Toyyib Erdo‘g‘on muzokaralar yakunlariga ko‘ra ma’lum qildi, deb yozadi “RBK”.
Avvalroq “Gazprom” rahbari Aleksey Miller aytib o‘tganidek, bitim Qora dengiz tubi bo‘ylab gaz quvurining ikkita yo‘lagini qurishni ko‘zda tutadi. Uning aniqlik kiritishicha, har bir yo‘lakning quvvati 15 milliard 750 million kubometr gazga teng bo‘ladi. Ulardan biri gazni bevosita Turkiya bozoriga yetkazib berish, ikkinchisi esa Turkiya hududidan tranzit bilan Yevropa mamlakatlariga yetkazib berish uchun mo‘ljallangan. Hujjatga muvofiq, dengiz yo‘laklari 2019-yil dekabrigacha qurib bitkazilishi kerak.
Eslatib o‘tamiz, Rossiya prezidenti Vladimir Putin Butunjahon energetika kongressida ishtirok etish maqsadida Istanbulga tashrif buyurdi. Tashrif doirasida u Turkiya prezidenti Rajab Toyyib Erdo‘g‘on bilan uchrashdi.
Izoh (0)