Iroq oliy sudi hukumatning mamlakatda vitse-prezident lavozimini bekor qilish haqidagi qarorini konstitutsiyaga zid deb topdi. Bu haqda “TASS” xabar bermoqda.
Mamlakat hukumatidagi bir necha yirik davlat lavozimlarini yo‘qotish to‘g‘risidagi farmon o‘tgan yil 16-avgustida qabul qilingandi. Mazkur hujjatga ko‘ra, Iroqda vitse-prezident va bosh vazir o‘rinbosari lavozimlari bekor qilindi.
Ushbu qaror vitse-prezident lavozimini egallab turgan sobiq bosh vazir Nuri al-Malikiy, parlament sobiq spikeri Usama an-Najafiy va sobiq o‘tish hukumati rahbari Ayyad Alaviyni mansablaridan mahrum etgandi.
O‘zgarishlar tashabbuskori bo‘lgan Iroq bosh vaziri Haydar al-Obodiy o‘shanda o‘z qarorini korrupsiyaga qarshi kurashga qaratilgan islohotlar amalga oshirilishi bilan izohlagandi.
Izoh (0)