Malayziya hukumati aprel oyida Mavrikiy orolida topilgan bo‘laklar Malaysia Airlines aviakompaniyasining MH370 reysi Boeing 777 samolyotiga tegishli ekanligini tasdiqladi, deb yozadi “Gazeta.ru” Reuters’ga tayanib.
Avstraliya transport xavfsizligi boshqarmasi tomonidan o‘tkazilgan ekspertiza ma’lumotlariga ko‘ra, topilgan bo‘laklar samolyot qanoti orqa qirrasining bir qismidir.
Oldinroq havo kemasi parchalari Tanzaniyadan va Hind okeanidagi Reyunyon orolidan topilgandi. Shuningdek, Mozambik va Janubiy Afrika respublikasi ham topilmalar haqida ma’lum qilgan.
Eslatib o‘tamiz, Kuala-Lumpurdan Pekinga yo‘l olgan, bortida 227 nafar yo‘lovchi va 12 nafar ekipaj a’zosi bo‘lgan Boeing 777-200 2014-yil 8-martga o‘tar kechasi radarlardan g‘oyib bo‘lgandi.
Izoh (0)