2015-yil yanvaridan beri AQSh hududida kuchaytirilgan harbiy tayyorgarlik o‘tilayotgan bazalardan 44 nafar afg‘on harbiysi qochib ketdi. Ularning ko‘pchiligi chegara oshib, Kanadaga o‘tgan, deya xabar beradi “TASS”.
Fox News telekanali Pentagon manbalariga tayanib ma’lum qilishicha, o‘tgan yili 25, bu yil esa 19 nafar afg‘onistonlik bazalarni o‘zboshimchalik bilan tark etgan va izsiz yo‘qolgan.
“Mazkur holat kishini xavotirga soladi, chunki bu oddiy hodisalar emas. Vazirlik AQShda harbiy tayyorgarlikni o‘tash uchun shaxslar tanlab olish mezonlarini mustahkamlash yo‘llarini o‘rganmoqda. Bundan ko‘zda tutilgan asosiy maqsad harbiylar belgilangan manzilidan ketib qolishini kamaytirishdan iborat”, — deya ta’kidladi AQSh mudofaa vazirligi vakili Adam Stamp.
Izoh (0)