Eron g‘arbidagi Kirmonshoh viloyatida 4-oktabr, seshanba kuni yuz bergan to‘qnashuvlar chog‘ida 12 nafar terrorchi yo‘q qilindi. Bu haqda “Islom inqilobi soqchilari” korpusi quruqlikdagi kuchlari qo‘mondoni, general Muhammad Pakpur ma’lum qildi, deya xabar beradi “TASS”.
Foto: “Haqqin.az”“Islom Respublikasi xavfsizligiga tahdid tug‘dirishni rejalashtirgan diversantlar Eron hududiga suqilib kirishga harakat qildi. Ular Najafdagi baza harbiy xizmatchilari tomonidan aniqlandi. Shiddatli to‘qnashuvlar natijasida 12 kishidan iborat terrorchilar guruhi to‘liq yo‘q qilindi, ko‘plab o‘qotar qurol va o‘q-dori musodara etildi”, — deya ta’kidladi general.
Operatsiya chog‘ida korpusning uch nafar jangchisi jarohatlangani bildirilmoqda.
Izoh (0)