Эрон ғарбидаги Кирмоншоҳ вилоятида 4 октябрь, сешанба куни юз берган тўқнашувлар чоғида 12 нафар террорчи йўқ қилинди. Бу ҳақда «Ислом инқилоби соқчилари» корпуси қуруқликдаги кучлари қўмондони, генерал Муҳаммад Пакпур маълум қилди, дея хабар беради «ТАСС».
Фото: «Haqqin.az»«Ислом Республикаси хавфсизлигига таҳдид туғдиришни режалаштирган диверсантлар Эрон ҳудудига суқилиб киришга ҳаракат қилди. Улар Нажафдаги база ҳарбий хизматчилари томонидан аниқланди. Шиддатли тўқнашувлар натижасида 12 кишидан иборат террорчилар гуруҳи тўлиқ йўқ қилинди, кўплаб ўқотар қурол ва ўқ-дори мусодара этилди», — дея таъкидлади генерал.
Операция чоғида корпуснинг уч нафар жангчиси жароҳатлангани билдирилмоқда.
Изоҳ (0)