Pentagon Rossiyaning Suriyaga C-300 tizimini yuborishi sababini bilmaydi

AQSh mudofaa vaziri matbuot kotibi Piter Kuk Pentagon Rossiya Suriyaga C-300 zenit raketa tizimini nima sababdan yuborganini bilmasligini aytdi, deb yozadi “Gazeta.ru”.

“Rossiya ularning Suriyadagi asosiy maqsadi ekstremizmga qarshi kurash ekanligini ma’lum qilgan edi. Ammo hech qaysi terrorchilik guruhida samolyot yo‘q. Shu tufayli ushbu tizimni yuborishdan maqsad nima, deb o‘z-o‘zimga savol beryapman. Balki bu borada Rossiyada yaxshiroq izoh bordir”, — dedi Kuk.

Nashr eslatishicha, avvalroq Rossiya mudofaa vazirligi rasmiy vakili Suriyaga C-300 zenit raketa tizimi batareyasi yetkazilganini ma’lum qilgan edi.