Qirg‘izistonning O‘sh shahrida terrorchilar guruhi uzoq muddatli qamoqqa hukm qilindi, deb yozadi “TASS” respublika Davlat milliy xavfsizlik qo‘mitasiga tayanib.
“Ushbu terrorchilik guruhi ijtimoiy tarmoqlar orqali tashkil qilingan. Qo‘lga olinganlar chet elga pul ishlash uchun ketgan vaqtlarida mafkuraviy jihatdan jalb qilingan”, — deyiladi xabarda.
Keyinchalik guruh “jihod amalga oshirish zaruriyati” sababi ostida O‘shga yuborilgan. Qirg‘iziston hududida guruh tarkibiga kirgan shaxslarga O‘sh viloyatining besh fuqarosini o‘ldirish, shuningdek, “Suriyadagi terrorizmni moliyalashtirish maqsadlarida” O‘shda qator bosqinchilik hujumlarini amalga oshirish topshirilgan.
O‘sh shahar sudi qaroriga ko‘ra, guruhning to‘rt a’zosi 10 yildan 17 yilgacha muddatga ozodlikdan mahrum etildi. Sudlanganlardan biri jazoni kuchaytirilgan rejimdagi koloniyada o‘taydi.
Izoh (0)