Qirg‘iziston davlat ro‘yxatga olish xizmati fuqaro Jurat Abdullayev 1,7 million somga (25 ming dollar) 777 AAA davlat avtomobil raqamini sotib olganini inkor etdi. Bu haqda KNews xabar bermoqda.
Idora matbuot kotibi Melis Erjigitov nashrga bergan intervyusida onlayn-kimoshdi savdosi ishtirokchilari orasida bunday shaxs bo‘lmaganini aytib o‘tdi.
“Auksionni bunday familiyali kishi yutganini tasdiqlamaymiz. G‘olibning ismini keltira olmaymiz, negaki auksionda ishtirok etishning shartlaridan biri anonimlikdir”, — dedi Erjigitov.
Uning so‘zlariga qaraganda, raqam egasi hali uni o‘z nomiga rasmiylashtirmagan.
Ilgariroq ushbu raqam katta pulga sotilgani mahalliy matbuotning noroziligiga sabab bo‘lgani xabar qilingan edi.
Izoh (0)