Қирғизистон давлат рўйхатга олиш хизмати фуқаро Журат Абдуллаев 1,7 миллион сомга (25 минг доллар) 777 ААА давлат автомобиль рақамини сотиб олганини инкор этди. Бу ҳақда KNews хабар бермоқда.
Идора матбуот котиби Мелис Эржигитов нашрга берган интервьюсида онлайн-кимошди савдоси иштирокчилари орасида бундай шахс бўлмаганини айтиб ўтди.
«Аукционни бундай фамилияли киши ютганини тасдиқламаймиз. Ғолибнинг исмини келтира олмаймиз, негаки аукционда иштирок этишнинг шартларидан бири анонимликдир», — деди Эржигитов.
Унинг сўзларига қараганда, рақам эгаси ҳали уни ўз номига расмийлаштирмаган.
Илгарироқ ушбу рақам катта пулга сотилгани маҳаллий матбуотнинг норозилигига сабаб бўлгани хабар қилинган эди.
Изоҳ (0)