Peruda jodugarlikda ayblangan ayol tiriklayin yoqib yuborildi. Bu haqda 27-sentabr kuni Associated Press agentligi ma’lum qildi.
Puerto-Bermudes hududi prokurori Ugo Maurisioning so‘zlariga qaraganda, hodisa mamlakatning markaziy qismida, Amazonka vodiysidagi tropik o‘rmonlarda yashovchi Shiringamatu Alto jamoasida yuz bergan.
Hindular 73 yoshli Roza Vilyar Xarionikani odamlarga kinna kiritishda gumon qilib, uni yoqib yuborish orqali o‘lim jazosiga hukm qildi. Ayolning taqdiri haqidagi qaror 40 kishi qabul qildi, ko‘pchilik uning qatl etilishini yoqlab chiqdi.
Xarionikaning qo‘llari bog‘lanib, atrofi quruq shoxlar bilan o‘ralgan, shundan so‘ng ustidan benzin quyilib, yoqib yuborilgan. Yuz berayotgan hodisa mobil telefonga tasvirga olingan, video qurbonning baqirayotganini eshitish mumkin.
Maurisioning so‘zlariga qaraganda, jamoa a’zolari dalillarni yo‘qotish uchun yana uch kun jasadni gulxanda yoqqan. Biroq hodisa joyiga yetib kelgan politsiya bir nechta suyakni topgan.
Izoh (0)