Iroqning neft qazib olishni muzlatish jarayoniga qo‘shilishi istisno etilmaydi. Bu haqda mamlakat neft vaziri Jabbor al-Loibiy ma’lum qildi, deya xabar berdi “TASS”.
“OPEK va uning a’zolari uchun foyda keltirishi mumkin bo‘lgan hamma narsa amalga oshishi mumkin. Biz buni 28-sentabr, chorshanba kuni norasmiy uchrashuvda muhokama etamiz”, — deya ta’kidladi vazir.
Ma’lumot uchun, Jazoirda Xalqaro energetika forumi bo‘lib o‘tmoqda va uning doirasida neft eksport etuvchi davlatlar qazib olishni muzlatish bo‘yicha muzokaralar o‘tkazishi kutilmoqda.
Venesuela, Ekvador va Kuvayt mazkur muhokama tashabbuskori deb aytilmoqda. Saudiya Arabistoni, Iroq va Eron vazirlari mazkur yopiq muzokarlarda ishtirok etishini tasdiqlagan.
Izoh (0)