Уч ота-онанинг ирсий материалига эга бўлган дунёдаги биринчи бола Мексикада туғилди, дея хабар бермоқда «РИА Новости».
Иорданиялик эр-хотин уларнинг фарзандли бўлишига йўл қўймайдиган камёб наслий касаллик туфайли АҚШлик олимларга мурожаат қилди.
Жон Чжан раҳбарлигидаги тадқиқотчилар яна бир донор аёлнинг генетик материалидан фойдаланиш технологиясини қўллади. АҚШда бундай операциялар тақиқлангани туфайли, мутахассислар Мексикадаги клиникалардан бирида иш олиб борди.
Абраҳим Ҳасан исмли болакай беш ой аввал дунёга келди. Экспертлар унинг туғилишини инқилобий деб атади.
Нашр эслатишича, 2015 йил февралида Буюк Британия уч ота-она ДНКсидан фойдаланиб сунъий уруғлантириш жараёнига рухсат берган биринчи мамлакат бўлди. Британиялик олимлар бундай туғилиш техникаси митохондриал касалликдан азоб чекувчи беморлар учун хавфсиз деган хулосага келган эди.
Изоҳ (0)