XOQ prezidenti “Osiyo bolalari” qishki o‘yinlarini o‘tkazish g‘oyasini ma’qulladi

Xalqaro olimpiya qo‘mitasi (XOQ) prezidenti Tomas Bax “Osiyo bolalari” qishki o‘yinlarini o‘tkazish g‘oyasini ma’qulladi, deb xabar bermoqda “TASS”.

“Shu kunlarda Danang (Vyetnam)da bo‘lib o‘tayotgan Osiyo Olimpiya kengashi Bosh assambleyasining XXXV majlisida XOQ prezidenti Tomas Bax va ‘Osiyo bolalari’ xalqaro qo‘mitasi boshqaruvi a’zolari o‘rtasida muzokaralar o‘tkazildi. Bax ‘Osiyo bolalari’ o‘yinlarini qishki sport turlari bo‘yicha o‘tkazish g‘oyasini ma’qulladi va bunday musobaqalar Osiyo mintaqasida talabgir bo‘lishini aytdi”, — deyiladi xabarda.

2018-yili bo‘lib o‘tadigan ushbu o‘yinlar olti sport turi – short-trek, xokkey, biatlon, chang‘i poygasi kabilar bo‘yicha o‘tkazilishi rejalashtirilmoqda. Xabar berishlaricha, hozirda mazkur loyihani Osiyoning 15 mamlakati qo‘llab-quvvatlashga tayyor.