23-sentabr kuni Lotte City Tashkent Palace mehmonxonasida ICTWeek 2016 axborot-kommunikatsiya texnologiyalari haftaligining tantanali yopilish marosimi bo‘lib o‘tdi, deb yozadi “Infocom.uz”.
Marosim doirasida “Joylardagi davlat hukumati organlarida ochiq davlat ma’lumotlari” yo‘nalishi bo‘yicha g‘oliblar va sovrindorlar taqdirlandi. Ular orasida birinchi o‘rinni Toshkent viloyati hokimligi egalladi, Toshkent shahri hokimligi va Jizzax viloyati hokimligi esa tegishli ravishda ikkinchi va uchinchi o‘rinlarni band etdi.
Shuningdek, “Interaktiv davlat xizmatlari”, “O‘z faoliyatida AKTni samarali tarzda joriy qilish va rivojlantirish bo‘yicha oliy reyting” kabi yo‘nalishlar bo‘yicha ham g‘oliblar aniqlandi.
Bundan tashqari, ICTExpo 2016 axborot-kommunikatsiya texnologiyalari ko‘rgazmasining turli yo‘nalishlari bo‘yicha g‘oliblarga va tadbir homiylariga esdalik sovg‘alari topshirildi.
Izoh (0)