23 сентябрь куни Lotte City Tashkent Palace меҳмонхонасида ICТWееk 2016 ахборот-коммуникация технологиялари ҳафталигининг тантанали ёпилиш маросими бўлиб ўтди, деб ёзади «Infocom.uz».
Маросим доирасида «Жойлардаги давлат ҳукумати органларида очиқ давлат маълумотлари» йўналиши бўйича ғолиблар ва совриндорлар тақдирланди. Улар орасида биринчи ўринни Тошкент вилояти ҳокимлиги эгаллади, Тошкент шаҳри ҳокимлиги ва Жиззах вилояти ҳокимлиги эса тегишли равишда иккинчи ва учинчи ўринларни банд этди.
Шунингдек, «Интерактив давлат хизматлари», «Ўз фаолиятида АКТни самарали тарзда жорий қилиш ва ривожлантириш бўйича олий рейтинг» каби йўналишлар бўйича ҳам ғолиблар аниқланди.
Бундан ташқари, ICTExpo 2016 ахборот-коммуникация технологиялари кўргазмасининг турли йўналишлари бўйича ғолибларга ва тадбир ҳомийларига эсдалик совғалари топширилди.
Изоҳ (0)