Rossiyaning Rostov viloyati sudi 54 yil avvalgi qotillik uchun Grushevskaya qishlog‘ida istiqomat qiluvchi 74 yoshli Viktor Maslovga nisbatan hukm chiqardi. Bu haqda “TASS” xabar bermoqda.
“Sud Viktor Maslovga 12 yil ozodlikdan mahrum etish jazosini tayinladi”, — deyiladi xabarda. U “Qasddan odam o‘ldirish” va “Javobgarlikni og‘irlashtiradigan holatlarda qasddan odam o‘ldirishga suiqasd qilish” moddalari bo‘yicha aybdor deb topildi.
Sud ma’lumotlariga ko‘ra, 1962-yil iyul oyida “IJ-58” miltig‘i bilan qurollangan Maslov velosipedda Grushevskaya qishlog‘i kengashining raisi uyiga kelib, raisning ko‘kragiga qarata o‘q uzgan.
Shundan so‘ng u rais uyining oldida turgan uchastka noziri va uning haydovchisi tomon uch marta o‘q uzgan, biroq ular mashinaning temir kabinasi ortiga yashirinishga muvaffaq bo‘lgan.
“Jinoyatni sodir etganidan so‘ng Maslov voqea joyidan yashiringan va qidiruvga berilgan. 2016-yilning fevralida uning qayerda ekani aniqlandi — Maslov Ulyanovsk viloyatidagi qamoqxonalardan birida boshqa bir qotillik uchun jazo o‘tayotgan edi”, — deya aniqlik kiritdi Rostov oblasti Tergov qo‘mitasi surishtiruv boshqarmasi matbuot xizmati.
Izoh (0)