Yevropa Ittifoqi xalqaro hamjamiyatni muhojirlar muammosini hal etishda, , masala umumjahon miqyosda bo‘lgani sabab, global hamkorlikka chaqiradi. Bu haqda ittifoqning tashqi siyosat va xavfsizlik masalalari bo‘yicha oliy vakili Federika Mogerini BMT Bosh Assambleyasi 71-sessiyasidagi chiqishi chog‘ida aytib o‘tdi, deya xabar beradi “Interfaks”.
“Bizga global holat bilan kurashish uchun global hamkorlik zarur. Muhojirlik doim bo‘lgan, buni bu yerda ishtirok etayotgan ayrim davlatlar juda yaxshi biladi. Yevroittifoq Afrikadagi beshta davlat bilan bu borada sheriklikni shakllantirish ustida ish boshladi”, — deya ta’kidladi Mogerini.
Oliy vakil Yevrokomissiya Afrika, Yaqin Sharq va Shimoliy Afrika uchun investitsiyalar rejasi doirasida 44 milliard yevroni safarbar etganini eslatib o‘tdi.
Mazkur mablag‘ beqarorlik hukm surayotgan davlatlarga xususiy investitsiyalarni jalb etishni rag‘batlantirishga yo‘naltiriladi.
Izoh (0)