Oliy Liga. Peshqadam “Lokomotiv” Toshkent derbisida so‘nggi o‘rinda borayotgan “Obod”ni yenga olmadi

Futbol bo‘yicha O‘zbekiston Oliy Ligasining 23-turi “Lokomotiv” va “Obod” klublari o‘rtasidagi Toshkent derbisi bilan start oldi.

Uchrashuvning 78-daqiqasiga kelib “Obod”ning milliy terma jamoadan chaqiruv qog‘ozi olgan, biroq biror marta ham maydonga tushmagan to‘purar hujumchisi Shohruz Norxonov mehmonlarni hisobda oldinga olib chiqdi. Oradan 6 daqiqa o‘tib esa milliy terma jamoadagi faoliyatiga yakun yasagan “Lokomotiv” sardori Timur Kapadze mezbonlarni mag‘lubiyatdan qutqarib qolgan golga mualliflik qildi.

Mazkur durang jamoalarning ligadagi o‘rniga ta’sir qilmadi. “Lokomotiv” 22 ta o‘yinda 56 ochko jamg‘arib, birinchi bo‘lib turibdi. 2-pog‘onada borayotgan “Bunyodkor” hisobida 21 ta o‘yindan keyin 47 ochko bor.

Ochkolari sonini 16 taga yetkazib olgan “Obod” 16-o‘rinda qoldi. Uning kabi 16 ochkosi bor “Andijon” bir pag‘ona yuqorida joylashgan.

23-turning qolgan yetti o‘yini 24—25-sentabr kunlari bo‘lib o‘tadi.

O‘zbekiston Oliy Ligasi 23-tur uchrashuvi 23-sentabr, juma

“Lokomotiv” — “Obod” 1:1

24-sentabr, shanba“Metallurg” — “Buxoro”“Neftchi” — “Olmaliq”“Navbahor” — “Paxtakor”“Mash’al” — “Andijon”“So‘g‘diyona” — “Sho‘rtan”“Bunyodkor” — “Qo‘qon—1912”

25-sentabr, yakshanba“Qizilqum” — “Nasaf”