Niderlandiyaga MH17 halokati chog‘idagi havo hududi radiolokatsiyasi ma’lumotlari taqdim etiladi

Rossiya tergov qo‘mitasi Niderlandiya prokuraturasi bilan Donbassda urib tushirilgan MH17 layneri halokati tergovi yuzasidan o‘rnatilgan hamkorlik doirasida niderlandiyalik hamkasblariga Ukraina havo hududi radiolokatsiyasi haqidagi ma’lumotlarni yo‘llaydi. Bu haqda, qo‘mita rasmiy vakili Vladimir Markinning so‘zlariga asoslanib, “Interfaks” xabar bermoqda.

Rossiya va Niderlandiya tergov idoralari mazkur masala yuzasidan 2014-yildan buyon hamkorlik qilib keladi. Rossiya tergovchilari niderlandiyalik hamkasblarining bir qator muhim so‘rovlariga javob berdi va yuridik yordam ko‘rsatdi, deb ta’kidladi Markin.

“Biz gollandiyalik tergovchilarga so‘ralgan axborot va boshqa ma’lumotlarni yirik hajmda yetkazib berdik”, — ma’lum qildi u.