Rossiyalik tergovchilar Misrning Sinay yarim orolida halokatga uchragan Rossiyaga tegishli Airbus A321 samolyoti fyuzelyajida portlash ta’siri joyini aniqladi. Bu haqda “Vedomosti” xabar bermoqda.
“Qohira aeroporti hududida o‘tkazilgan ko‘rib chiqish chog‘ida fyuzelyajga portlash ta’sir ko‘rsatgan joylar aniqlandi. Portlashdan keyingi asorat izlari qayd etildi”, — deydi Rossiya Tergov qo‘mitasi vakili.
Avvalroq ekspertlar jinoyat ssenariysini taxminan qayta tiklagan edi. Unga ko‘ra, yo‘lovchilarning yuklari ikki asosiy bagaj bo‘lmalariga joylashtirilgan.
Kichik hajmdagi yukni samolyotga alohida tashuvchi yetkazgan — shunda terrorchilar ishtirok etgan. Ular laynerga soatli va barometrli datchiklar o‘rnatilgan kichik bomba solingan paketni olib o‘tgan.
Rossiyaning “Kogalimavia” aviakompaniyasiga tegishli, bortida 224 kishi bo‘lgan A321 layneri 2015-yil 31-oktabr kuni Misrning Sinay yarimoroli ustidan uchib o‘tayotganida qulagan edi.
Portlash parvoz boshlanganidan keyin 22 daqiqa o‘tib — samolyot 10 ming metr balandlikda, soatiga 750 kilometr tezlikda uchayotganida yuz bergan.
Izoh (0)