AQSh qiruvchi samolyoti Yaponiyaning Okinava prefekturasi yaqinida quladi

Yaponiyaning Okinava prefekturasi yaqinida qulagan AQSh harbiy-havo kuchlarining Harrier samolyoti uchuvchisi qutqarib qolindi. Bu haqda “TASS” xabar bermoqda.

Ma’lumotlarga ko‘ra, samolyot Okinava oroli shimolidagi Xedo burnidan taxminan 130 kilometr masofada qulagan.

Samolyot qulashi sabablari hali ham ma’lum emas. Qayd etish joiz, qulagan qiruvchi samolyot AQSh harbiy-havo kuchlarining Kadena bazasiga tegishli edi.

Ma’lumot uchun, AQShning Yaponiyadagi harbiy obyektlarining taxminan 75 foizi Okinava hududida joylashgan.