14-sentabrning e’tiborga molik yangiliklari — “Daryo”ning kechki dayjestida.
1. O‘zbekiston hukumati tarkibidagi o‘zgarishlar: Rustam Azimovga ta’lim va fan sohalariga ham rahbarlik qilish yuklatildi, O‘zbekiston bosh vaziri o‘rinbosari Adham Ikromov jismoniy tarbiya va sport masalalariga ham mas’ul etib tayinlandi, Abdulla Aripov hukumat tarkibiga qaytdi, O‘zbekiston bosh vaziri o‘rinbosari lavozimidan ozod etilgan Majid Karimov oliy va o‘rta maxsus ta’lim vaziri o‘rinbosari etib tayinlandi, O‘zbekiston oliy va o‘rta maxsus ta’lim vaziri o‘zgardi.
2. O‘zbekistonda uchuvchisiz uchish qurilmalari ro‘yxatdan o‘tkazilishi ma’lum qilindi. Yangi hujjatda o‘yinchoqlar, aviamodellar va uchuvchisiz uchish qurilmalari o‘rtasidagi farqlar keltirib o‘tilgan.
3. KXDRda suv toshqini oqibatida yuzlab odamlar halok bo‘ldi va bedarak yo‘qoldi. Ikki kun avval qurbon bo‘lganlar soni 133 kishi, bedarak yo‘qolganlar soni esa 395 nafarni tashkil etayotgani haqida xabar berilgan edi.
4. Xonanda Shohruxxon va aktrisa Asal Shodiyeva Qurbon Hayiti tabrigini birgalikda yo‘lladi. Bu Shohruxxon va Asalning uzoq tanaffusdan so‘ng ilk birgalikdagi selfisi bo‘ldi.
5. Olimpiada chempioni Fazliddin G‘oibnazarov u bilan suratga tushgan qizni tanimasligi haqida aytdi. “Suratga tushish uchun ko‘plab muxlis va muxlisalar yonimga kelishadi. U ham shundaylardan biri”, — dedi chempion.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)