14 сентябрнинг эътиборга молик янгиликлари — «Дарё»нинг кечки дайжестида.
1. Ўзбекистон ҳукумати таркибидаги ўзгаришлар: Рустам Азимовга таълим ва фан соҳаларига ҳам раҳбарлик қилиш юклатилди, Ўзбекистон бош вазири ўринбосари Адҳам Икромов жисмоний тарбия ва спорт масалаларига ҳам масъул этиб тайинланди, Абдулла Арипов ҳукумат таркибига қайтди, Ўзбекистон бош вазири ўринбосари лавозимидан озод этилган Мажид Каримов олий ва ўрта махсус таълим вазири ўринбосари этиб тайинланди, Ўзбекистон олий ва ўрта махсус таълим вазири ўзгарди.
2. Ўзбекистонда учувчисиз учиш қурилмалари рўйхатдан ўтказилиши маълум қилинди. Янги ҳужжатда ўйинчоқлар, авиамоделлар ва учувчисиз учиш қурилмалари ўртасидаги фарқлар келтириб ўтилган.
3. КХДРда сув тошқини оқибатида юзлаб одамлар ҳалок бўлди ва бедарак йўқолди. Икки кун аввал қурбон бўлганлар сони 133 киши, бедарак йўқолганлар сони эса 395 нафарни ташкил этаётгани ҳақида хабар берилган эди.
4. Хонанда Шоҳруххон ва актриса Асал Шодиева Қурбон Ҳайити табригини биргаликда йўллади. Бу Шоҳруххон ва Асалнинг узоқ танаффусдан сўнг илк биргаликдаги селфиси бўлди.
5. Олимпиада чемпиони Фазлиддин Ғоибназаров у билан суратга тушган қизни танимаслиги ҳақида айтди. «Суратга тушиш учун кўплаб мухлис ва мухлисалар ёнимга келишади. У ҳам шундайлардан бири», — деди чемпион.
Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)