Majid Karimov boshqa ishga o‘tishi munosabati bilan O‘zbekiston bosh vazirining o‘rinbosari — Yoshlarga oid siyosat, ta’lim, madaniyat va sport masalalari kompleksi rahbari lavozimidan ozod etildi. O‘zbekiston Prezidenti vazifasini bajaruvchi Shavkat Mirziyoyev bu haqdagi farmonni, Hukumat portali axborotiga ko‘ra, 13-sentabr kuni imzolagan.
Majid Karimov joriy yilning 10-avgustida O‘zbekiston bosh vazirining o‘rinbosari etib tayinlangan edi. Texnika fanlari doktori darajasiga ega bo‘lgan Majid Karimov bungach to‘rt yil davomida Toshkent davlat texnika universitetiga rahbarlik qilgan.
O‘zbekiston Oliy va o‘rta maxsus ta’lim vazirligi saytida Majid Karimov vazirning fan bo‘yicha o‘rinbosari etib tayinlangani haqida axborot berilgan.
Avvalroq O‘zbekiston Prezidenti vazifasini bajaruvchi Shavkat Mirziyoyevning 13-sentabrdagi farmoniga muvofiq, Abdulla Aripov O‘zbekiston bosh vazirining o‘rinbosari — Yoshlar siyosati, madaniyat, axborot tizimlari va telekommunikatsiyalari masalalari kompleksi rahbari lavozimiga tasdiqlangani haqida xabar berilgan edi.
Hukumat tarkibidagi boshqa o‘zgarishlar:
- Abdulla Aripov hukumat tarkibiga qaytdi
- O‘zbekiston bosh vaziri o‘rinbosari Adham Ikromov jismoniy tarbiya va sport masalalariga ham mas’ul etib tayinlandi
- Rustam Azimovga ta’lim va fan sohalariga ham rahbarlik qilish yuklatildi
Izoh (0)