Rossiyaning “Norilskiy nikel” tog‘-metallurgiya kompaniyasi Krasnoyarsk o‘lkasidagi Daldikan daryosining sentabr boshida to‘q qizil tusga kirib qolgani sababini tushuntirdi, deb yozadi “RIA Novosti”. Bunga daryoga Nadejenskiy metall zavodi suv omboridan ifloslangan suvning oqib ketishi sabab bo‘lgan.
Rossiya tabiat vazirligi sentabr boshidayoq Norilsk aholisi shahardan oqib o‘tuvchi Daldikan daryosi noma’lum kimyoviy reagent bilan anomal tarzda ifloslangani haqida bir necha marta shikoyat qilganini aytgan edi. Bu daryoga sun’iy qizil tus berdi. Ammo, aybdor kompaniyaning egalari ta’kidlashicha, ushbu hodisa odamlar va daryo faunasi uchun xavf tug‘dirmaydi.
“Joriy yilda ‘Nornikel’ gidrometallurgiyaning qazilma chiqindilari quvurlarini rekonstruksiya qildi. Sentabr boshida quvurning bir qismini montaj qilish bo‘yicha yakuniy ishlar olib borildi. Quvurni kesishdan oldin uni bo‘shatishga qaror qilindi, buning uchun filtr dambalarini tushirib, qoldiqlar oqib ketishining oldi olindi. Shunga qaramay, bir necha kun jala yog‘ishi oqibatida ulardan biri orqali suv oqib tushdi va u Daldikanga borib quyildi”, — dedi tabiat vazirligi xodimi.
Izoh (0)