Amazon asoschisi va rahbari, shuningdek, Blue Origin kompaniyasi rahbari Jeff Bezos New Glenn deb nomlangan yangi raketa loyihasi haqida e’lon qildi, deb yozadi “Gazeta.ru”.
Qaytib keluvchi va ko‘p marta foydalanish mumkin bo‘lgan og‘ir raketa SpaceX kompaniyasining Falcon seriyasidagi raketalariga va boshqa analoglarga raqobatchilik qilishi kutilmoqda.
“New Glenn koinotga tijoriy sun’iy yo‘ldoshlarni uchirish va ekipaj jo‘natish uchun ishlab chiqilgan”, — dedi Bezos.
Aniqlik kiritilishicha, Blue Origin raketaning ikki xil versiyasini ishlab chiqmoqda. Kompaniya, shuningdek, start maydoni va sinov poligonini ham qurmoqda. Bularning bari Kanaveral burnida barpo etiladi, Jon Kennedi nomidagi Kosmik markazda esa raketa eltuvchilarni ishlab chiqaruvchi zavod paydo bo‘ladi.
Izoh (0)