Vengriyaning siyosati Yevropa Ittifoqi me’yorlariga butkul zid, shu sababli mamlakatni ittifoqdan chiqarish maqsadga muvofiq bo‘lardi. Bu haqda Lyuksemburg tashqi ishlar vaziri Jan Asselborn ma’lum qildi, deya xabar beradi “Kommersant”.
“Biz Yevroittifoqning asosiy qadriyatlari poymol etilayotganiga toqat qilolmaymiz. Agar Vengriya kabi qochoqlarni kiritmaslik uchun to‘siqlar barpo etayotgan yoki matbuot erkinligi, adliya tizimi mustaqilligini xavf ostida qoldirayotgan bo‘lsangiz, sizni ittifoqdan vaqtincha yoki umuman chiqarish lozim. Bu tuzilma qadriyatlari va birdamligini saqlab qolishning yagona imkoniyati bo‘lardi”, — deya ta’kidladi vazir.
Lyuksemburg TIV rahbari kelgusida hamjamiyatning barcha a’zolari orasida yakdillik bo‘lmaganida Yevroittifoq mamlakatlariga shunday qarorlar qabul qilishga imkon beradigan qoidani joriy etishni taklif etdi.
Izoh (0)