Qarshi shahrida yetim va ota-ona qaramog‘idan mahrum bo‘lgan bolalar uchun mo‘ljallangan turar-joy binosi foydalanishga topshirildi. Bu haqda O‘zA xabar bermoqda.
Viloyat hokimligi, bir qator homiy tashkilotlar va tadbirkorlar tashabbusi bilan qisqa muddatda barpo etilgan mazkur turar-joy binosi 3 ta ikki xonali va 27 ta bir xonali xonadondan iborat bo‘lib, barchasi zamonaviy jihozlangan.
– Ayni paytda bu turar-joyda ma’naviyat va ma’rifat xonasi, trenajyorlar va boshqa turli anjomlar bilan jihozlangan sport zali ham mavjud, – deydi “Mahalla” xayriya jamoat fondi Qashqadaryo viloyati bo‘limi raisi Shermamat Rajabov. – Bino tashqarisida yozgi ayvon va issiqxona uchun yer ajratilgan. Shuningdek, bu yerdagi tikuvchilik sexi va go‘zallik saloni xonadon egalarini ish bilan ta’minlashga xizmat qiladi.
Izoh (0)