Bruneyda tahsil olayotgan o‘zbek talabalari — Avazbek G‘aniyev va Umidjon Qurbonov O‘zbekiston mustaqilligining 25 yilligiga bag‘ishlangan tadbir uyushtirdi. Bu haqda Umidjon Qurbonov “Daryo” internet-nashriga ma’lum qildi.
Bruneyda davlat granti asosida ta’lim olayotgan Avazbek va Umidjon, O‘zbekiston Mustaqillik kuniga bag‘ishlangan bayramona tadbirning asosiy tashkilotchilari sifatida, bruneylik va boshqa chet ellik talabalarga o‘zbekcha osh taqdim etdi.
“O‘zbekistonda yoshlarga yaratib berilgan imkoniyatlar chet elda tahsil olishdek baxtni taqdim etdi. Fursatdan foydalanib, xorijda O‘zbekiston nomini yanada yuqoriga ko‘tarishga qo‘ldan kelgancha harakat qilyapmiz. Mazkur tadbir xalqimiz mehmondo‘stligining bir namoyishi bo‘ldi”, — deydi Umidjon Qurbonov.
Umidjonning qo‘shimcha qilishicha, hozirgi vaqtda Bruneyda faqat ikki nafar o‘zbekistonlik talaba ta’lim olmoqda.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)