Toshkent avtomobil-yo‘llar instituti (TAYI) o‘rnida tashkil etilgan Toshkent avtomobil yo‘llarini loyihalash, qurish va foydalanishga topshirish institutida ikkita fakultet faoliyat yuritadi. Bu haqda “Gazeta.uz” internet-nashri xabar bermoqda.
Ushbu o‘zgarish O‘zbekiston Birinchi Prezidenti Islom Karimov tomonidan 26-avgustda tasdiqlangan, 5-sentabr kuni “Lex.uz” qonun hujjatlari milliy bazasida e’lon qilingan qarorida o‘z aksini topgan. “Gazeta.uz”ning qayd etishicha, TAYIda to‘rtta fakultet mavjud edi.
Avtomobil yo‘llari va inshootlarini loyihalashtirish va qurish hamda Avtomobil transporti va transport tizimlarini foydalanishga topshirish fakultetlari beshtadan kafedrani o‘z ichiga oladi. Bundan tashqari, OTM tuzilmasida oltita fakultetlararo umumta’lim kafedralari faoliyat ko‘rsatadi.
Toshkent avtomobil-yo‘llar institutining tugatilayotgan yoki qayta tashkil etilayotgan ta’lim yo‘nalishlari va mutaxassisliklarida tahsil olayotgan bakalavr va magistratura talabalari tegishli O‘zbekiston OTMlari — Toshkent davlat texnika universiteti va Toshkent temir yo‘l muhandislari institutining mos keluvchi yo‘nalishlariga o‘tkaziladi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)