Haj sabab Saudiyani jazolashni talab qilayotgan Eron, O‘zbekiston “Orzu layneri”ning ilk xalqaro parvozi, fakultetlari soni yarmiga qisqargan sobiq TAYI va kunning boshqa muhim yangiliklari

7-sentabrning e’tiborga molik yangiliklari — “Daryo”ning kechki dayjestida.

1. Tatyana Karimova va Lola Karimova-Tillayeva Islom Karimovning qabrini ziyorat qildi. O‘zbekiston Birinchi Prezidenti Islom Karimovning qabriga uning rafiqasi Tatyana Karimova hamda qizi Lola Karimova-Tillayeva gul qo‘ydi.

2. Eron Haj yomon tashkil etilgani bois Saudiya Arabistonini jazolash lozim deb hisoblaydi. Eron prezidenti Hasan Ruhoniy musulmon davlatlarini Saudiya Arabistoniga qarshi birlashishga chaqirdi.

3. Sobiq TAYI fakultetlari soni to‘rttadan ikkitaga kamaytirildi. Eslatib o‘tamiz, Toshkent avtomobil-yo‘llar instituti (TAYI) Toshkent avtomobil yo‘llarini loyihalash, qurish va foydalanishga topshirish institutiga aylandi.

4. “O‘zbekiston havo yo‘llari”ning “Orzu layneri” ilk xalqaro parvozini Qozog‘istonga amalga oshiradi. Xalqaro parvoz kuni yangi samolyot Navoiy va Nukusga ham parvoz qiladi.

5. Toshkentdan Samarqand va Qarshiga qatnovchi poyezdlarning chipta narxlari oshiriladi. Narxlar oshishi 5-sentabrdan boshlangan.

Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.