Misrda yuz bergan yirik avariya oqibatida 22 kishi halok bo‘ldi. Bu haqda 7-sentabr, chorshanba kuni mahalliy OAVlarga tayanib, “TASS” xabar bermoqda.
Ma’lum qilinishicha, mikroavtobus unga qarama-qarshi yo‘nalishda kelayotgan pikap bilan to‘qnashib ketgan. Hodisa 6-sentabr, seshanba kuni kechqurun Qohiradan janubi-g‘arbdagi Al-Farafra va Baxariya vohalari o‘rtasidagi trassada yuz bergan.
Dastlabki ma’lumotlarga ko‘ra, fojiaga haydovchilardan birining tezlikni ko‘proq oshirganligi sabab bo‘lgan.
Misr yo‘llardagi o‘lim holatlari ko‘rsatkichi bo‘yicha arab davlatlari orasida 16-o‘rin, dunyo bo‘yicha esa 109-o‘rinni egallaydi. O‘tgan yili yo‘l avariyalari 6,2 mingdan ortiq odamni hayotdan olib ketdi.
Izoh (0)