Davlat departamenti Obamaning Filippin prezidenti bilan uchrashuvi bekor qilinishi sababini tushuntirdi

AQSh prezidenti Barak Obama va uning filippinlik hamkasbi Rodrigo Dutertening uchrashuvi bekor qilindi, chunki Dutertening “muomalasi” “suhbat unumli bo‘lishi ehtimoli bo‘yicha savollarni keltirib chiqaradi”. Bu haqda Davlat departamenti rasmiy vakili Mark Toner ma’lum qildi, deb yozadi “RBK”.

“So‘zlar ahamiyatga ega, va biz samimiy bo‘lgan hamda jiddiy hamkorlik uchun ochiq bo‘lgan kayfiyatni ko‘rishni istaymiz”, — dedi u.

Eslatib o‘tamiz, Filippin prezidenti Rodrigo Duterte 5-sentabr kuni Laosda o‘tadigan Sharqiy Osiyo sammiti arafasidagi matbuot anjumanida amerikalik hamkasbi Barak Obamani fohishaning o‘g‘li deb atab, unga inson huquqlari bo‘yicha maslahatlari bilan “har yerga burun tiqmaslik”ni maslahat berdi.

Keyinroq Oq uy qoshidagi milliy xavfsizlik kengashi rasmiy vakili Ned Prays Barak Obama uni haqorat qilgan Filippin prezidenti bilan uchrashmasligini ma’lum qildi.

Filippin prezidenti Rodrigo Duterte esa so‘zlaridan afsusda ekanligini aytdi.