Jahonning eng yirik kema kompaniyalaridan biri, Janubiy Koreyaning Hanjin Shipping Co. guruhi amerikalik kreditorlardan o‘zini himoya qilish uchun xorij kompaniyalarini himoya qilish bo‘yicha AQSh qoidalari asosida ariza kiritdi. Kompaniya o‘tgan hafta Janubiy Koreya sudiga bankrotlik yuzasidan murojaat qilganidan so‘ng uning kemalari butun dunyo bo‘ylab hibsga olina boshladi, deb xabar beradi “Kommersant.ru”.
The Wall Street Journal nashrining bildirishicha, bir necha kundan buyon kompaniyaning butun dunyo miqyosidagi faoliyati amalda to‘xtab qolgan — uning ayrim kemalari qo‘lga olingan, ayrimlariga esa operatorlar xizmat ko‘rsatmay qo‘ygan.
Kompaniya o‘z sohasida jahonning to‘qqizinchi va Janubiy Koreyaning birinchi kompaniyasi hisoblanadi. Unga jahondagi konteyner yetkazmalarining 2,5 foizi to‘g‘ri keladi.
Izoh (0)