Жаҳоннинг энг йирик кема компанияларидан бири, Жанубий Кореянинг Hanjin Shipping Co. гуруҳи америкалик кредиторлардан ўзини ҳимоя қилиш учун хориж компанияларини ҳимоя қилиш бўйича АҚШ қоидалари асосида ариза киритди. Компания ўтган ҳафта Жанубий Корея судига банкротлик юзасидан мурожаат қилганидан сўнг унинг кемалари бутун дунё бўйлаб ҳибсга олина бошлади, деб хабар беради «Коммерсант.ru».
The Wall Street Journal нашрининг билдиришича, бир неча кундан буён компаниянинг бутун дунё миқёсидаги фаолияти амалда тўхтаб қолган — унинг айрим кемалари қўлга олинган, айримларига эса операторлар хизмат кўрсатмай қўйган.
Компания ўз соҳасида жаҳоннинг тўққизинчи ва Жанубий Кореянинг биринчи компанияси ҳисобланади. Унга жаҳондаги контейнер етказмаларининг 2,5 фоизи тўғри келади.
Изоҳ (0)