Afg‘oniston poytaxti Kobulda 5-sentabr, seshanba kuni yuz bergan ikki terakt oqibatida kamida 24 kishi halok bo‘ldi, 90 ga yaqin odam tan jarohati olgan. Bu haqda “RIA Novosti” xabar bermoqda.
Xabar berishlaricha, Afg‘oniston Mudofaa vazirligi binosi yaqinida ikki terrorchi o‘zini portlatib yuborgan. Qurbonlar orasida Kobuldagi tumanlardan birining politsiya boshlig‘i va yuqori martabali harbiy borligi aytilmoqda.
Agence France-Presse axborot agentligi xabariga ko‘ra, mazkur terrorchilik harakati uchun javobgarlikni “Tolibon” harakati o‘z zimmasiga olgan.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)