Butundunyo sayyohlik tashkiloti hisob-kitoblariga ko‘ra, 2015-yili jahonda turizmdan keladigan daromad 4,4 foizga oshib, 1,26 trillion dollarga yetgan. Bu haqda “Kommersant” xabar bermoqda.
Sohaning dunyo yalpi ichki mahsulotiga qo‘shayotgan jami ulushi 7,2 trillion dollarni tashkil etmoqda. Yer yuzidagi har o‘n birinchi ish o‘rni u yoki bu darajada turizm bilan bog‘liq. O‘tgan yili sayyohlarga bevosita xizmat ko‘rsatuvchi 2,5 million ish o‘rni yaratildi.
Mahsulotlar va xizmatlarning global eksportida turizm ulushi 7 foizgacha yetdi: soha bu borada faqat yoqilg‘i hamda kimyo sanoatidan keyingi o‘rinda bo‘lib, oziq-ovqat mahsulotlari ishlab chiqarish va avtomobilsozlikni ortda qoldirgan.
Turizm va sayohatlar bo‘yicha Butundunyo kengashi taxminiga ko‘ra, joriy yilda soha o‘sish bo‘yicha dunyo iqtisodiyotidan o‘zib ketadi.
Izoh (0)