Amerika hukumati Yamanga joriy moliya yilida qariyb 189 million dollarlik qo‘shimcha gumanitar yordam taqdim etishga qaror qildi, deb yozadi “TASS” AQSh Davlat departamentiga tayanib.
Vashingtonning qarori AQSh Yamanga 2016-moliya yilida taqdim etadigan gumanitar ko‘mak hajmi 327 million dollarga yetishini bildiradi.
Amerika tashqi siyosiy muassasasi aniqlik kiritishicha, qo‘shimcha moliyalashtirish BMT tuzilmasidagi ixtisoslashgan institutlarga, shuningdek, Yamanda ishlayotgan nohukumat gumanitar tashkilotlarga yo‘naltiriladi.
Ushbu mablag‘lar ehtiyojmand yamanliklarni oziq-ovqat, shoshilinch tibbiy yordam, ruhiy-ijtimoiy ko‘mak, ichimlik suvi bilan ta’minlash uchun ishlatilishi rejalashtirilmoqda.
Izoh (0)