Америка ҳукумати Яманга жорий молия йилида қарийб 189 миллион долларлик қўшимча гуманитар ёрдам тақдим этишга қарор қилди, деб ёзади «ТАСС» АҚШ Давлат департаментига таяниб.
Вашингтоннинг қарори АҚШ Яманга 2016-молия йилида тақдим этадиган гуманитар кўмак ҳажми 327 миллион долларга етишини билдиради.
Америка ташқи сиёсий муассасаси аниқлик киритишича, қўшимча молиялаштириш БМТ тузилмасидаги ихтисослашган институтларга, шунингдек, Яманда ишлаётган ноҳукумат гуманитар ташкилотларга йўналтирилади.
Ушбу маблағлар эҳтиёжманд яманликларни озиқ-овқат, шошилинч тиббий ёрдам, руҳий-ижтимоий кўмак, ичимлик суви билан таъминлаш учун ишлатилиши режалаштирилмоқда.
Изоҳ (0)