Shaxmatda dunyo rekordini o‘rnatgan 6 yoshli o‘zbekistonlik, birinchi marta Toshkentdan Buxoroga qatnagan “Afrosiyob”, jahondagi ilk haydovchisiz taksi va kunning boshqa muhim yangiliklari

25-avgustning e’tiborga molik yangiliklari — “Daryo”ning kechki dayjestida.

1. 6 yoshli o‘zbekistonlik shaxmatchi sport ustaligiga nomzod bo‘lgan dunyodagi eng yosh shaxmatchiga aylandi. “Sen 6 yosh-u 5 oyligingda sport ustaligiga dunyodagi eng yosh nomzod bo‘lib, shaxmatning yangi rekordini o‘rnatding”.

2. Toshkent – Buxoro yo‘nalishida “Afrosiyob” tezyurar poyezdining ilk qatnovi amalga oshirildi. “Afrosiyob” elektr poyezdi Toshkentdan Buxorogacha bo‘lgan 600 kilometrlik masofani ilgarigidek 7—8 soatda emas, 3 soatu 20 daqiqada bosib o‘tish imkoniyatiga ega.

3. Singapurda dunyodagi birinchi haydovchisiz taksi ishga tushirildi. nuTonomy kompaniyasi yil oxirigacha haydovchisiz boshqaruvli mashinalar sonini 12 taga yetkazishga va’da bermoqda.

4. Yangi Zelandiyada pitssalarni uchuvchisiz uchar qurilmalarda yetkazish bo‘yicha dunyodagi birinchi xizmat ishga tushadi. Hozirda pitssa yetkazuvchi dronlarni Avstriya, Belgiya, Fransiya, Niderlandiya, Yaponiya va Germaniyada ham qo‘llash rejasi ko‘rib chiqilmoqda.

5. Xose Mariya Mendes mashg‘ulotlardan 3 kunga g‘oyib bo‘lib qolgan o‘zbekistonlik darvozabonni JCh ro‘yxatidan o‘chirib tashladi. Bunga qadar futzal terma jamoasi safida 3 ta darvozabon Kolumbiyaga jo‘nab ketishi kerak edi.

Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.