5-sentabr kuni Toshkent Politexnika muzeyida Gollandiyaning Endxoven texnologiya universiteti talabalari bilan uchrashuv bo‘lib o‘tadi, ular elektr mototsikllarda Yevropadan Yaqin Sharq va Markaziy Osiyo orqali Xitoyga sayohat uyushtiradi. Bu haqda “O‘zbekturizm” Milliy kompaniyasi matbuot xizmati xabar berdi.
Ushbu aksiyani gollandiyalik talabalar baykerlik harakatini qo‘llab-quvvatlash va sog‘lom turmush tarzini targ‘ib qilish maqsadida amalga oshiradi. Ularning elektr mototsikllari muqobil energiya — ekologik toza va xavfsiz energiyadan foydalanish imkoniyatining yaqqol isbotidir.
Yoshlar o‘z elektr mototsikllarida dunyo bo‘ylab sayohat qila oladigan jamoa yaratish orzusini “ShTORM Endxoven” loyihasi orqali amalga oshirdi.
Uchrashuv 5-sentabr kuni 15:00 da Politexnika muzeyida bo‘lib o‘tadi.
Izoh (0)