Avgust oxirida butun O‘zbekiston bo‘ylab kuchli shamollar kuzatiladi

Avgust oyi oxirida O‘zbekistonning barcha hududlarida shamolning tezligi kuchayishi kutilmoqda. Bu haqda “O‘zgidromet” markazi xabar bermoqda.

“O‘zgidromet” axborotiga ko‘ra, 30-avgustgacha mamlakat bo‘ylab shamol odatiy — soniyasiga 7—12 metr tezlikda esishi kutilmoqda. 30-avgust kuni esa butun mamlakat bo‘ylab, xususan, tog‘li hududlarda ham shamolning tezligi soniyasiga 15—20 metrgacha kuchayishi mumkin.

Qayd etish joiz, so‘nggi bir necha kundan beri asosan Qoraqalpog‘iston Respublikasi va Xorazm viloyatida nisbatan kuchli shamollar kuzatilayotgan edi.

Ayni vaqtda, oy oxirida havo haroratida jiddiy o‘zgarish bo‘lmaydi — +36...+38 daraja issiq atrofidagi quruq iqlim sharoiti saqlanib qoladi.

Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.