Kim Chen In KXDR suv osti kemasidan amalga oshirilgan raketa parvozini “katta yutuq” deb atadi. “TASS” yozishicha, KXDR rahbari raketa uchirilishini shaxsan kuzatib turgan.
Kim Chen In, shuningdek, mudofaa sanoatida ishlaydigan olimlar va texnologlarni yadroviy kallaklar tashuvchi vositalarni rivojlantirishga e’tibor qaratishga chaqirdi.
Koreya Mehnat partiyasi va Davlat kengashi raisi AQSh va uning tarafdorlarini “Koreya xalq armiyasining halokatli zarbasidan qochish uchun KXDR xavfsizligiga rahna soladigan xatti-harakatlardan voz kechish lozimligi” haqida ogohlantirdi.
Kim Chen In qattiq yoqilg‘ili dvigatel bilan jihozlangan raketani yaratishda ishtirok etgan olimlar va texnologlarga minnatdorlik bildirdi va ular bilan birga suratga tushdi.
Avvalroq KXDR suv osti kemasidan ballistik raketa uchirgani ma’lum qilindi. Yaponiya mudofaa vazirligi ma’lumotlariga ko‘ra, raketa taxminan 500 km masofaga uchib, Yapon dengiziga quladi. U birinchi marta mamlakat havo hujumiga qarshi mudofaa identifikatsiya hududi ichkarisiga 80 kilometrgacha kirdi.
Izoh (0)